منتديات جامعة القاهرة للتعليم المفتوح - كلية الحقوق | كلية الاعلام | كلية التجارة | كلية الزراعة | كلية دار العلوم | كلية الاداب
ترقبوا المفاجأة قريبا جدا
 
الرئيسية1الأعضاءالتسجيلالتسجيلدخول

شاطر | 
 

 الشارع

اذهب الى الأسفل 
كاتب الموضوعرسالة
ماهر



عدد المساهمات : 3
نقاط : 5
السٌّمعَة : 1
تاريخ التسجيل : 04/03/2010

مُساهمةموضوع: الشارع   الأحد مارس 21, 2010 7:37 am

السلام عليكم
موضوع النهاردة موضوع لازم تقروا و محدش يستغرب من الاسم وكما عايز اشوف ردكم على الموضوع دة يلا بينا نشوف الموضوع دة بيتكلم عن اية

فى وقت بدرى اوى يوم الجمعة اللى هو يوم اجازتى لقيت جرس الباب بيرن قلت مين الرخم دة اللى جاااااى دلوقتى قمت من على السرير وانا الشرار بيطق من عينى وعمال ابرطم وانا ماشى افتح الباب قلت اكيد هو واحد من اتنين يا بتاع الزبالة الرخم الواد سيد الاقرع او بتاع اللبن اللى اسمة كايرو المهم ابص من العين السحرية لقيت راجل شكلة غريب جدا وكبير فى السن جدا جدا بتاع الف سنة وشويتن المهم فتحت الباب وقلت نعم يابا الحج فى حاجة قلى يبنى اخش الاول يا فتاح يا عليم اتفضل يا سيدى هااااااا عايز اية قلى طيب يبنى اخد نفسى قلت يااادى اليوم اللى مش فايت خد يابا الحج اعملك فطار قلى مش عايز طيب تشرب شاى لاء يبنى كتر الف خيرك
طيب يابا الحج انتا مين وعايز اية ..قلى يبنى انا اسمى الشارع !!بصيت بتعجب اوى و قلتلة نعم يا خويا اسمك اية قلى اسمى كدة الشارع وعايزك كمان ترفعلى قضية مش انتا الافوكاتو علاء
قعدت ابرطم بكلام كدة وقلت هو يوم باين من اولة ما هى ليلة كانت باينة من ليلتها
قلى بتقول حاجة يبنى ..لاء مفيش ياعم الشارع وعايزنى ارفعلك قضية على مين ولية ... قلى على كل واحد بيقول عليا ان ليا اولاد غير شرعيين ماشين على الارض و مقضينها فساد و سرقة و اغتصاب و قتل وحاجات من دة كتير
رديت علية و قلتلة انتا فعلا عندك عيال بالمواصفات دة قلى ولو ليا يبنى هو انا كنت جتلك علشان ترفعلى قضية انا يبنى معنديش اولاد بالوصف دة انا كل اولادى زيك كدة محترمين و طيبين واولاد ناس اما الاولاد دول انا ما اعرفهمش
يبنى انتا فاكر لما كنت بتلعب عليا بالكرة الشراب انتا و اصحابك فاكر وكمان كنت بستحملكوا وانتوا بترموا الزبالة عليا و كمان بتفوا عليا جاتوا القرف ومش كفاية لاء وكمان كل ما يجى واحد صايع تقولوا علية دة ابن الشارع
هنا بقا يا جماعة لية بجد بنقول على الناس دة اولاد الشوارع لية دايما الاغلبية فينا مش عايز اقول كلنا بنبص لاولاد دول بنظرة فيها قسوة
مفكرتش و لو للحظة انك كنت ممكن تكون منهم وساعتها كنت تتمنى ان الناس تمديلك ايد المساعدة لية مفكرناش نساعد الاولاد دول بدل ما نهاجمهم
وعلى فكرة يا جماعة الاولاد دول كان فيهم ولاد ناس كتير بس الظروف هى اللى اطرتهم يسبوا بيوتهم وينزلوا لشارع بسبب مرات اب شديدة او جوز ام عين اهلة زايغة ولما نزلوا الشارع كانوا فاكرين انهم بكدة هربوا من جحيم مرات الاب او جوز الام مكنوش يعرفوا ان المجتمع جحيم لا يطاق وعيون المجتمع والناس مش بترحم الناس ملهاش غير الظاهر وبس ياريت نبص للاولاد دول بعين الرأفة حط نفسك مكان اى حد فيهم وشوف انتا كنت تحب الناس تعملك ازاى واعمل معهم كدة منهم كتير نفسة فى حتة اوضة تلمة و شغلنا ياكل منها لقمة ياريت المجتمع يرحم الاولاد دول مش هقول حاجة اكتر من كدة
يلا سلااااااااااام
الرجوع الى أعلى الصفحة اذهب الى الأسفل
elsaidy

المدير العام


المدير العام
avatar

عدد المساهمات : 275
نقاط : 484
السٌّمعَة : 6
تاريخ التسجيل : 11/12/2009
العمر : 32
الموقع : http://cairo-law.rigala.net

مُساهمةموضوع: رد: الشارع   الأحد مارس 21, 2010 3:39 pm

مشكور جدا اخ ماهر
على اسلوبك الجميل
فعلا موضوع يستحق التقدير والاهتمام

______________________________________________________________
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذا الرابط]

الرجوع الى أعلى الصفحة اذهب الى الأسفل
http://cairo-law.rigala.net
خالد

مشرف خاص


مشرف خاص
avatar

عدد المساهمات : 174
نقاط : 268
السٌّمعَة : 1
تاريخ التسجيل : 26/01/2010

مُساهمةموضوع: رد: الشارع   الإثنين مارس 22, 2010 11:12 am

السلام عليكم
يا سلام يا عم ماهر يا سلام
ايه الجمال والحلاوة دي
موضوع جميل وعندك حق والله بس للاسف يا ماهر الدنيا بتخلي الواحد يتابع اولادة بالعافيه عايز كمان يتابع ولاد الشوارع
كتير مننا بيحاول يساعدهم بس للاسف مفيش طريقه مقنعه ولا دائمه لمتابعتهم
يعني لو عطفت عليهم بفلوس انتا طبعا عارف هيجيبوا بيها ايه
وهكذا وهكذا
الموضوع محتاج تكاتف من جميع الاجاهات

شكرا لموضوعك وفي انتظار المزيد
الرجوع الى أعلى الصفحة اذهب الى الأسفل
 
الشارع
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حقوق القاهرة - جامعة القاهره للتعليم المفتوح :: المنتدى العام :: المنتدى العام-
انتقل الى: