منتديات جامعة القاهرة للتعليم المفتوح - كلية الحقوق | كلية الاعلام | كلية التجارة | كلية الزراعة | كلية دار العلوم | كلية الاداب
ترقبوا المفاجأة قريبا جدا
 
الرئيسية1الأعضاءالتسجيلالتسجيلدخول

شاطر | 
 

 قصيدة خطيبتى حبيبتى .. لما تستعبط

اذهب الى الأسفل 
كاتب الموضوعرسالة
elsaidy

المدير العام


المدير العام
avatar

عدد المساهمات : 275
نقاط : 484
السٌّمعَة : 6
تاريخ التسجيل : 11/12/2009
العمر : 32
الموقع : http://cairo-law.rigala.net

مُساهمةموضوع: قصيدة خطيبتى حبيبتى .. لما تستعبط   الجمعة مارس 26, 2010 8:17 pm

خطيبتى حبيبتى أموره
تشبه زهرة الياسمين
جمال وحلاوه وخفة
دم ورقه وحنين
شعنونه ولما تغير
بتبقى شبه المجانين
حبها مكلبش جوايا
وأنا ليها نور العين
بس ساعات تستعبط
وعبطها يبان للناظرين
فى مره ياساده
كنا الاتنين متواعدين
نخرج نتمشى فى
نص البلد ساعتين
لهوايه عندنا اسمها
الفرجه على الفتارين
والأيد فى الأيد
وكيس اللب المتين
الحاله أخر رومانسيه
وفى الحب منشكحين
لحد ماوقفنا قدام
جواهرجى دهبه سمين
البنت وقفت متبنجه
ولسانها مدلدل مترين
وعينيها برقوا بشده
تقولش بقوا كلوبين
ياحلوه.. يابنت.. ولاترد
كأنها طرشت الودنين
قربت على ودانها
قلت أقرى المعوزتين
لحسن تكون ممسوسه
وأفك المس اللعين
أخيرا مسكتنى من
أيدىبأيد عرقانين
ودخلت المحل..وعرقى
سال على الخدين
سألت البياع بكام
الطقم أبو لونين
وزن وابتسم وقال
من الألافات عشرين
هزت كتافها كأ نها
بنت البرنس حسنين
قالت مش بطا ل
وبصتلى بعين واسعين
سألتنى رأيك ايه
ياحبيبى نقشتهم حلوين
همست فى ودانها
ليلتك أنهارده طين
أبتسمت بسمه عريضه
عرضها حوالى مترين
قلت خلاص بكره
نيجى مع الوالدين
واشتريه ليكى ياربيع
الزهر والريا حين
خرجنا وضغطى أرتفع
وزاد على المتين
ناديت على مشروع
وع البيت رحنا مروحين
هى قاعده بتحلم
وأنا مقهور وحزين
على باب العماره
بلغت فرار المطاردين
وهات جرى ع
السلم وداست بنزين
وأنا وراها طيران
نفاثه فيها محركين
أقفى يا سبب جنونى
أقفى ليلتك طين
أنتى بتستعبطى يا بنت
أقفى يا بنت المجانين
وحياة أبوكى ما سايبك
حوريكى أنا مين
دخلت شقتها بتضحك
وضحكتها أمل وحنين
من غلبى ضحكت
ضحكه ليها رنين
وقلت فى سرى
بحبك قوى يا ياسمين


منقـــــــــــــــــــــــــــــــول

______________________________________________________________
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذا الرابط]

الرجوع الى أعلى الصفحة اذهب الى الأسفل
http://cairo-law.rigala.net
أسعد

عضو نشيط


عضو نشيط
avatar

عدد المساهمات : 211
نقاط : 343
السٌّمعَة : 4
تاريخ التسجيل : 28/01/2010
العمر : 41
الموقع : http://cairo-law.rigala.net

مُساهمةموضوع: رد: قصيدة خطيبتى حبيبتى .. لما تستعبط   الأحد أغسطس 01, 2010 10:21 am

ههههههههههههههههههههههه
تسلم أيدك يا باشا

______________________________________________________________
أسئلكم الدعاء لي بالذرية الصالحة والدعاء لي ولوالدي بالمغفرة والرحمة
لا اله الا أنت سبحانك اني كنت من الظالمين
تمنيت أن تملئ القلوب بالحب فيكون العلم كله أخوة وأن يعمل كل فرد بالحديث حب لأخيك ما تحب لنفسك - وتمنيت أن أكون أخاً وصديقاً للجميع وأن يعتبروني هم كذلك - أخيكم أسعد
الرجوع الى أعلى الصفحة اذهب الى الأسفل
خالد

مشرف خاص


مشرف خاص
avatar

عدد المساهمات : 174
نقاط : 268
السٌّمعَة : 1
تاريخ التسجيل : 26/01/2010

مُساهمةموضوع: رد: قصيدة خطيبتى حبيبتى .. لما تستعبط   الأربعاء أكتوبر 13, 2010 1:04 am

ههههههههههههههههههههههههه
بجد تحفة

في انتظار زوجتي لما بتستهبل
هههههههههههه


دمت بكل الحب والخير والسعادة
الرجوع الى أعلى الصفحة اذهب الى الأسفل
 
قصيدة خطيبتى حبيبتى .. لما تستعبط
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حقوق القاهرة - جامعة القاهره للتعليم المفتوح :: المنتدى العام :: المنتدى العام :: شوية أشعار بقى-
انتقل الى: